Հունվարի 16-ի կարևոր լուրերը

Ինչ է կատարվել Հայաստանում և աշխարհում։

ԵՐԵՎԱՆԻ ՃԱՆԱՊԱՐՀՆԵՐԻ ՎԵՐԱՆՈՐՈԳՈՒՄ

• Վերջին օրերի առատ ձյան և անբարենպաստ եղանակի հետևանքով Երևանի մի շարք փողոցներում առաջացել են ասֆալտբետոնե ծածկի փոսեր։
• Գիշերային ժամերին իրականացվել են տեղային վերանորոգման աշխատանքներ, որոնք կշարունակվեն նաև այսօր։
• Եղանակի բարելավումից հետո կմեկնարկեն փոսային նորոգման հիմնական աշխատանքները։

ՏՈԿԻՈՅԻ ԵՐԿԱԹՈՒՂԱՅԻՆ ՎԹԱՐ

• Խոշոր վթարի հետևանքով կաթվածահար է եղել Տոկիոյի հիմնական երկաթուղային գծերի աշխատանքը։
• Խափանման պատճառը երկաթուղային գծերին մոտ գտնվող էլեկտրական սարքավորումներում բռնկված հրդեհն է։
• Միլիոնավոր ուղևորներ օգտվել են այլընտրանքային փոխադրամիջոցներից կամ աշխատել հեռավար։

ՆՈԲԵԼՅԱՆ ՄԵԴԱԼ՝ ԹՐԱՄՓԻՆ

• Վենեսուելայի ընդդիմության առաջնորդը Նոբելյան խաղաղության մրցանակի մեդալը Սպիտակ տանը հանձնել է Դոնալդ Թրամփին։
• ԱՄՆ նախագահը այն որակել է որպես հարգանքի նշան և նշել, որ իր համար մեծ պատիվ է եղել հանդիպումը։

ՄԵԾ ԲՐԻՏԱՆԻԱՅԻ ՊԱՀԵՍՏԱԶՈՐ

• Մոսկվայից եկող սպառնալիքների ֆոնին Մեծ Բրիտանիան նախատեսում է բարձրացնել պահեստազորի զորահավաքի տարիքային սահմանը։
• Նախատեսվում է այն բարձրացնել 55-ից մինչև 65 տարեկան։

ՀՐԴԵՀ ՌՈՒՍԱՍՏԱՆՈՒՄ

• Սիկտիվկար քաղաքում ՆԳՆ ուսումնական կենտրոնում տեղի ունեցած հրդեհի հետևանքով վիրավորվել է 12 մարդ։
• Մոտ 200 մարդ տարհանվել է, հարուցվել է քրեական գործ անփութության հոդվածով։

ԲԱՆԱԿԻ ՆՈՐ ՀԱՄԱԶԳԵՍՏ

• Նիկոլ Փաշինյանը ներկայացրել է ՀՀ բանակի նոր համազգեստը։
• Համազգեստը բնութագրվել է որպես գեղեցիկ, գործառնական, հարմարավետ և բազմասեզոնային։

ԴԱՏԱԿԱՆ ՀԱՅՑ ԵԿԵՂԵՑՈՒ ԴԵՄ

• Գևորգ եպիսկոպոս Սարոյանը դատարան է դիմել Հայաստանյայց առաքելական սուրբ եկեղեցու դեմ։
• Հայցը մակագրվել է Արմավիրի մարզի առաջին ատյանի դատարանում։

ԻՐԱՆԻ ԴԻԱՀԵՐՁԱՐԱՆՆԵՐԻ ԿԱԴՐԵՐ

• Համացանցում տարածվել են Թեհրանի դիահերձարաններից շոկային տեսանյութեր։
• BBC-ն հաստատել է դրանց իսկությունը, սակայն չի հրապարակել ծայրահեղ դաժան կադրերի պատճառով։

ԱՆՀԱՅՏ ԿՈՐԱԾՆԵՐԻ ՆՈՐ ՕՐԵՆՔ

• ԱԺ հանձնաժողովը հաստատել է անհայտ կորած անձանց վերաբերյալ նոր օրենքի նախագիծը։
• Կկստեղծվի միասնական ռեեստր, լիազոր մարմինը կլինի ԱԱԾ-ն։

ԶԻՆՎՈՐԱԿԱՆ ԾԱՌԱՅՈՒԹՅԱՆ ՎՃԱՐՈՎ ԱԶԱՏՈՒՄ

• 87 քաղաքացի վճարել է 17 մլն դրամ և ազատվել պարտադիր զինվորական ծառայությունից։
• Ավելի քան 1300 քաղաքացի գտնվում է հետախուզման մեջ։

ԶԻՆԾԱՌԱՅՈՂԻ ՄԱՀՎԱՆ ԳՈՐԾ

• Զինծառայողի մահվան գործով մեկ անձ ձերբակալվել է։
• Նրան մեղադրանք է առաջադրվել ինքնասպանության հասցնելու հոդվածով։

ԻՐԱՆԻ ԶԱՆԳՎԱԾԱՅԻՆ ՁԵՐԲԱԿԱԼՈՒՄՆԵՐ

• Իրանում զանգվածային անկարգություններին մասնակցելու համար ձերբակալվել է մոտ 3000 մարդ։
• Զոհերի ստույգ թիվը դեռ հայտնի չէ, միջազգային ԶԼՄ-ները խոսել են հազարավոր զոհերի մասին։