Իտալիայում թանգարանից գnղացել են Ռենուարի, Սեզանի և Մատիսի աշխատանքները. որքան է կազմում ֆինանսական կորուստը

Չորս դիմակավորված անձինք մարտի 22-ին մուտք են գործել Մանյանի Ռոկա հիմնադրամի վիլլա։

Իտալիայի Պարմա գավառի մասնավոր թանգարանից գողացել են Ռենուարի, Սեզանի և Մատիսի աշխատանքները։ Այս մասին հայտնում է BBC-ն:

Ոստիկանության տվյալներով՝ չորս դիմակավորված անձինք մարտի 22-ին մուտք են գործել Մանյանի Ռոկա հիմնադրամի վիլլա՝ տանելով Պիեռ-Օգյուստ Ռենուարի «Ձկները», Պոլ Սեզանի «Նատյուրմորտ բալերով» և Անրի Մատիսի «Օդալիսկը պատշգամբում» աշխատանքները։

Ըստ գնահատականների՝ գողացված կտավների ընդհանուր արժեքը կազմում է 9 մլն եվրո, որից միայն «Ձկները» արժե 6 մլն եվրո, ինչն այն դարձնում է վերջին տարիների ամենանշանակալի արվեստի գողություններից մեկը Իտալիայում։