Իրանի ԶՈւ ԳՇ կողմից Ադրբեջանի դեմ hարձակումների ժխտումը բացարձակապես անընդունելի է. Ադրբեջանի ՊՆ

Բաքվի պնդմամբ՝ այդ ԱԹՍ-ներից մեկը ոչնչացվել է ադրբեջանական բանակի կողմից։

Ադրբեջանի պաշտպանության նախարարությունը հայտարարել է, որ Իրանի զինված ուժերի գլխավոր շտաբի կողմից Ադրբեջանի դեմ հարձակումների ժխտումը «բացարձակապես անընդունելի է»։

Գերատեսչության տարածած հայտարարության համաձայն՝ Իրանի Իսլամական Հանրապետության զինված ուժերը չորս անօդաչու թռչող սարք են ուղարկել Ադրբեջանի Նախիջևանի շրջան՝ հարձակումներ իրականացնելու նպատակով։

Բաքվի պնդմամբ՝ այդ ԱԹՍ-ներից մեկը ոչնչացվել է ադրբեջանական բանակի կողմից, իսկ մյուսները թիրախավորել են քաղաքացիական ենթակառուցվածքներ, այդ թվում՝ միջնակարգ դպրոցը՝ դասերի ժամանակ։

«Բարեբախտաբար, դպրոցի վրա ուղղված անօդաչու թռչող սարքը վրիպել է նշանակետից և պայթել է շենքի մոտ բախվելուց հետո»,– նշվում է հայտարարության մեջ։

Իրանական կողմը մինչ այդ հերքել էր Ադրբեջանի դեմ հարձակումների վերաբերյալ մեղադրանքները։