Իրանը սպառնում է ականապատել Պարսից ծոցի ծովային ուղիները

Իրանական կողմը նաև հայտարարել է, որ Հորմուզի նեղուցով անցումը թույլատրվելու է միայն այն երկրներին, որոնք թշնամաբար տրամադրված չեն Իրանի նկատմամբ

Իրանի Պաշտպանության խորհուրդը հայտարարել է, որ երկրի դեմ հնարավոր հարձակման դեպքում կականապատվեն Պարսից ծոցի բոլոր ծովային ուղիները։

Հայտարարության մեջ նշվում է, որ եթե հարվածներ հասցվեն Իրանի ափամերձ տարածքներին կամ կղզիներին, Թեհրանը կդիմի կոշտ հակազդման՝ ականապատելով ինչպես ծովային ուղիները, այնպես էլ ափամերձ գոտիները։

Իրանական կողմը նաև հայտարարել է, որ Հորմուզի նեղուցով անցումը թույլատրվելու է միայն այն երկրներին, որոնք թշնամաբար տրամադրված չեն Իրանի նկատմամբ և նախապես համաձայնեցրել են երթուղին Թեհրանի հետ։

Հիշեցնենք, որ ավելի վաղ ԱՄՆ նախագահ Դոնալդ Թրամփը նախազգուշացրել էր, որ ԱՄՆ-ը կարող է հարվածներ հասցնել Իրանի էներգետիկ ենթակառուցվածքներին, եթե Հորմուզի նեղուցը ամբողջությամբ չվերաբացվի։

Վերջին զարգացումները վկայում են տարածաշրջանում լարվածության կտրուկ աճի մասին, որը կարող է ազդել համաշխարհային էներգետիկ մատակարարումների վրա։