Իրանն այժմ ցանկանում է բանակցել, իսկ ԱՄՆ-ն՝ կռվել. Թրամփ

ԱՄՆ նախագահ Դոնալդ Թրամփը հայտարարել է, որ ներկայիս սրացման պայմաններում Թեհրանը ցանկանում է համաձայնության գալ, սակայն Վաշինգտոնը պատրաստ է շարունակել պայքարը։

ԱՄՆ նախագահ Դոնալդ Թրամփը հայտարարել է, որ ներկայիս սրացման պայմաններում Թեհրանը ցանկանում է համաձայնության գալ, սակայն Վաշինգտոնը պատրաստ է շարունակել պայքարը։

«Նրանք զանգահարում են և հարցնում. «Ինչպե՞ս կարող ենք համաձայնության գալ»։ Ես ասում եմ. «Դուք մի փոքր ուշացել եք»։ Եվ հիմա մենք ավելի շատ ենք ուզում կռվել, քան նրանք»,– ասել է Թրամփը Սպիտակ տանը կայացած միջոցառման ժամանակ։

Նա չի մանրամասնել, թե իրանական կողմից ով է կապ հաստատել ԱՄՆ-ի հետ։

Միաժամանակ ԱՄՆ նախագահը նշել է, որ Վաշինգտոնը կոչ է անում աշխարհի տարբեր ծայրերում գտնվող իրանցի դիվանագետներին աջակցել «նոր ու ավելի լավ Իրանի ձևավորմանը»։

«Մենք նաև կոչ ենք անում աշխարհի տարբեր ծայրերում գտնվող իրանցի դիվանագետներին օգնել մեզ ձևավորել նոր ու ավելի լավ Իրան՝ հսկայական ներուժով»,– հավելել է նա։

Թրամփը նաև ընդգծել է, որ Իրանի դեմ իրականացվող գործողությունը «զգալիորեն առաջ է անցել նախատեսված ժամանակացույցից»։