Իրանը հերքում է Ադրբեջանի ուղղությամբ ԱԹՍ արձակելու մասին տեղեկությունը

Ըստ Թեհրանի ներկայացրած վարկածի՝ անօդաչու թռչող սարքի արձակումը կարող էր իրականացված լինել Իրանի վրա մեղադրանքներ բարդելու նպատակով։

Իրանի Զինված ուժերի գլխավոր շտաբը հերքել է Ադրբեջանի տարածքի ուղղությամբ անօդաչու թռչող սարքի արձակման մասին տեղեկությունը, հայտնում է ՏԱՍՍ-ը։

Հայտարարության մեջ նշվում է, որ Իրանի Իսլամական Հանրապետությունը, հարգելով բոլոր երկրների, հատկապես մուսուլմանական և հարևան պետությունների ինքնիշխանությունը, հերքում է զինված ուժերի կողմից Ադրբեջանի Հանրապետության ուղղությամբ ԱԹՍ արձակելու մասին մեղադրանքները։

Իրանական կողմը միջադեպի պատասխանատվությունը վերագրել է Իսրայելին՝ պնդելով, որ նման գործողությունները միտված են մուսուլմանական երկրների միջև հարաբերությունների խաթարմանը։

Ըստ Թեհրանի ներկայացրած վարկածի՝ անօդաչու թռչող սարքի արձակումը կարող էր իրականացված լինել Իրանի վրա մեղադրանքներ բարդելու նպատակով։

Ավելի վաղ Ադրբեջանի պաշտպանության նախարարությունը հայտարարել էր, որ Իրանից արձակված ԱԹՍ-ներ են թիրախավորել Նախիջևանի ուղղությամբ քաղաքացիական ենթակառուցվածքներ։