Ինտերնետի ազատության վարկանիշ․ որ տեղում է Հայաստանը

Ամենաբարձր արդյունքները գրանցել են մի շարք եվրոպական և զարգացած երկրներ։

Cloudwards-ի կազմած ինտերնետի ազատության վարկանիշում Հայաստանը հավաքել է 56 միավոր՝ 100 հնարավորից և զբաղեցրել 97-րդ տեղը 164 երկրների շարքում։

Տարածաշրջանում Վրաստանը գրանցել է ավելի բարձր արդյունք՝ 64 միավորով զբաղեցնելով 81-րդ տեղը, իսկ Ադրբեջանը՝ 36 միավորով 121-րդ տեղում է։

Իրանը 4 միավորով զբաղեցրել է 163-րդ տեղը՝ առաջ անցնելով միայն Հյուսիսային Կորեայից, որը վարկանիշում ունի 0 միավոր։ Նույն ցուցանիշը գրանցվել է նաև Ռուսաստանում և Չինաստանում։

Վարկանիշը կազմելիս հաշվի են առնվել համացանցում խոսքի ազատության մակարդակը, ինչպես նաև VPN ծառայությունների, տորենտ հարթակների և որոշ բովանդակության հասանելիությունը։

Ամենաբարձր արդյունքները գրանցել են մի շարք եվրոպական և զարգացած երկրներ՝ 92 միավորով, որտեղ սահմանափակումները նվազագույն են։

Տվյալները ցույց են տալիս ինտերնետի ազատության մակարդակի տարբերությունները երկրների միջև և դրա կախվածությունը կարգավորող միջավայրից։