Սննդամթերքը Հայաստանում շարունակում է թանկանալ․ գնաճի հիմնական պատճառն ու տարածքային բաշխումը

Ազգային վիճակագրական կոմիտեի տվյալներով՝ Հայաստանի սպառողական շուկայում 12-ամսյա գնաճը (2025թ. դեկտեմբերը 2024թ. դեկտեմբերի նկատմամբ) կազմել է 3.3%, իսկ նախորդ ամսվա՝ նոյեմբերի նկատմամբ՝ 1.2%։

2025թ. դեկտեմբերին հանրապետության դիտարկվող բոլոր բնակավայրերում արձանագրվել է սպառողական գների աճ՝ 0.4–1.4%, ընդ որում՝ ամենաբարձր ցուցանիշը գրանցվել է Երևանում։

Տարվա կտրվածքով՝ 2025թ. հունվար–դեկտեմբերին սպառողական գների միջին ամսական հավելաճը կազմել է 0.3%, մինչդեռ 2024թ. նույն ժամանակահատվածում այն կազմել էր 0.1%։

Սննդամթերք և ոչ ալկոհոլային խմիչք

2025թ. դեկտեմբերին 2024թ. դեկտեմբերի համեմատ սննդամթերքի և ոչ ալկոհոլային խմիչքների գները աճել են 4.3%, իսկ նոյեմբերի համեմատ՝ 2.9%։ Բնակավայրերում արձանագրված աճը կազմել է 0.8–3.6%, կրկին առավել բարձր՝ մայրաքաղաքում։

Մսամթերք

• Թռչնամիս՝ +4.3% տարեկան, +2.4% ամսական

• Տավարի միս՝ +11.7% տարեկան, +7.4% ամսական

• Խոզի միս՝ +12.7% տարեկան, +2.9% ամսական

• Գառան միս՝ +14.1% տարեկան, +0.8% ամսական

Հացահատիկային և ալյուրային արտադրանք
Տարեկան կտրվածքով արձանագրվել է գնաճ՝

• Հաց՝ +3.6%

• Ձավար՝ +2.6%

• Մակարոնեղեն՝ +7.9%

• Հնդկացորեն՝ +9.4%

• Ոլոռ՝ +10.4%

Այլ սննդատեսակներ

• «Իշխան» ձուկ՝ +18.3% տարեկան, +5.3% ամսական

• Կարագ՝ +7.2% տարեկան

• Մարգարին՝ +7.4% տարեկան

• Արևածաղկի յուղ՝ +8.2% տարեկան

• Պանիր՝ +4.6% տարեկան

• Թարմ կաթ՝ +4.7% տարեկան

• Ձու՝ +7.2% տարեկան, +4.3% ամսական

Սուրճ, քաղցրավենիք, շաքար

• Սուրճ՝ +9.5% տարեկան

• Կակաո՝ +31.9% տարեկան

• Հրուշակեղեն՝ +2.4% տարեկան

• Շաքար և շաքարավազ՝ +1.1% տարեկան

Ալկոհոլ և ծխախոտ

• Ալկոհոլային խմիչքներ՝ +5.5% տարեկան

• Ծխախոտ՝ +8.7% տարեկան

Բանջարեղեն

Բանջարեղենի խմբում արձանագրվել է հակադիր դինամիկա․

• −7.5% տարեկան գնանկում,

• սակայն +12.5% ամսական գնաճ՝ սեզոնային գործոնների ազդեցությամբ