Հնդիկներն ավելի նորաձև են դառնում. հեղափոխություն միլիարդանոց շուկայում

Հարթակները, ինչպիսիք են Meesho-ն, Myntra-ն ու Amazon-ը, արագ վերափոխում են հնդկական մանրածախ շուկան։

Հնդկաստանում, որտեղ մանրածախ առևտրի ավելի քան 80%-ը դեռ իրականացվում է չկազմակերպված փոքրիկ խանութներում ու շուկաներում, տեղի է ունենում խորը կառուցվածքային փոփոխություն։ Այսօր հազարավոր հնդիկներ կարող են սարի գնել ընդամենը 266 ռուփիով (մոտ $3)՝ առանց տնից դուրս գալու։ Այդ ամենի կենտրոնում է Meesho-ն՝ նորաստեղծ հարթակ, որը հնարավորություն է տալիս փոքր վաճառողներին վաճառել ամբողջ Հնդկաստանում՝ առանց միջնորդավճարի։

Հարթակները, ինչպիսիք են Meesho-ն, Myntra-ն ու Amazon-ը, արագ վերափոխում են հնդկական մանրածախ շուկան։ Եթե հինգ տարի առաջ շուկայի 85%-ը եղել է անփաստաթուղթ կամ «գորշ գոտում», ապա մինչև 2030-ը այդ ցուցանիշը կնվազի մինչև 66-68%։ Բացի այդ, նման հարթակներն ընդլայնում են փոքր բիզնեսների հասանելիությունը՝ միացնելով նրանց ոչ միայն տեղական, այլ նաև ազգային շուկաներին։