Ինչ փոփոխություններ են արձանագրվել մսի ու կաթնամթերքի արտադրությունում Հայաստանում

Մսամթերքի արտադրություն

ՀՀ վիճակագրական կոմիտեի հրապարակած տվյալների համաձայն՝ 2025թ․ հունվար-օգոստոսին Հայաստանում արտադրվել է 27,208.4 տոննա միս, ինչը նախորդ տարվա համադրելի ժամանակահատվածի համեմատ աճել է 3.8 տոկոսով։
Միևնույն ժամանակ, երշիկեղենի արտադրությունը նվազել է 7 տոկոսով և կազմել 8,659.2 տոննա, իսկ մսի կիսապատրաստվածքների արտադրությունը աճել է 39.2 տոկոսով՝ հասնելով 1,851.0 տոննայի։

Կաթնամթերքի արտադրություն

Նույն ժամանակահատվածում արտադրվել է 17,902.2 տոննա պանիր, որը նախորդ տարվա համեմատ աճել է 6.6 տոկոսով։
Կարագի արտադրությունը նվազել է 22.8 տոկոսով և կազմել 1,730.5 տոննա, մինչդեռ կաթի արտադրությունն անկում է ապրել 1.5 տոկոսով՝ կազմելով 6,444.7 տոննա։
Կաթնամթերքի մի շարք տեսակներ արձանագրել են աճ․ կաթնաշոռի արտադրությունը հասել է 1,955.5 տոննայի՝ աճելով 17.8 տոկոսով, մածունի արտադրությունը կազմել է 7,271.3 տոննա՝ աճելով 10.7 տոկոսով, իսկ թթվասերի արտադրությունը աճել է 19.7 տոկոսով և կազմել 4,964.5 տոննա։

Հաշվետու ժամանակահատվածում պաղպաղակի արտադրությունն աճել է 8 տոկոսով և կազմել 9,926.7 հազար լիտր։