«Հիդրոօդերևութաբանության և մոնիթորինգի կենտրոն» ՊՈԱԿ-ը ներկայացրել է առաջիկա օրերի եղանակային կանխատեսումները Երևանի և հանրապետության տարածքի համար: Հունիսի առաջին շաբաթվա ընթացքում սպասվում են տեղումներ և քամու ուժգնացում, ինչպես նաև օդի ջերմաստիճանի աստիճանական բարձրացում:
Եղանակը Երևանում
Հունիսի 2-6. Առավելապես երեկոյան ժամերին մայրաքաղաքի առանձին հատվածներում հնարավոր է կարճատև անձրև և ամպրոպ:
Հունիսի 7. Գիշերը և երեկոյան ժամերին սպասվում է կարճատև անձրև և ամպրոպ:
Քամու ուժգնացում. Ամպրոպի ժամանակ հնարավոր է քամու ուժգնացում՝ 17-20 մ/վ արագությամբ։
Եղանակը հանրապետության տարածքում
Հունիսի 2 (ցերեկը), հունիսի 3-6 (առավելապես կեսօրից հետո), հունիսի 7 (օրվա ընթացքում). Առանձին շրջաններում սպասվում է կարճատև անձրև և ամպրոպ, տեղ-տեղ հնարավոր է նաև կարկուտ։
Հունիսի 3-6 (գիշերային ժամերին). Սպասվում է առանց տեղումների եղանակ։
Քամու ուժգնությունը և ջերմաստիճանը
Քամին կլինի հյուսիսարևմտյան՝ 2-5 մ/վ արագությամբ, սակայն ամպրոպի ժամանակ սպասվում է քամու ուժգնացում՝ 17-20 մ/վ արագությամբ։
Օդի ջերմաստիճանը հունիսի 4-5-ին աստիճանաբար կբարձրանա 2-4 աստիճանով։
