Շվեդիայում 672 տոննա կշռող եկեղեցին տեղափոխում են նոր վայր. BBC

Շվեդիայի ամենահյուսիսային Կիրունա քաղաքում, որը գտնվում է Հյուսիսային բևեռից 145 կմ հյուսիս, յուրօրինակ նախագիծ է իրականացվում: 1912 թվականին կառուցված հսկայական փայտե եկեղեցին ամբողջությամբ կտեղափոխվի քաղաքի մյուս ծայրը, գրում է BBC-ն։ Անիվներով հսկայական հարթակի վրա բեռնված կառույցը կանցնի հինգ կիլոմետր։ Ճանապարհորդությունը, ենթադրաբար, կտևի երկու օր, քանի որ այն կշարժվի ժամում առավելագույնը 500 մետր արագությամբ։ Շատերն այդ տեղափոխությունն անվանում են ինժեներական հրաշք:

113-ամյա եկեղեցին տեղափոխելու պատճառն այդ վայրերում հողի նստվածքի սպառնալիքն է, որը երկաթի հանքաքարի ավելի քան մեկդարյա արդյունահանման ժամանակ առաջացած ճեղքերի հետևանք է:

Եկեղեցին ունի 35 մետր բարձրություն, 40 մետր լայնություն և կշռում է 672 տոննա։ Այն մի ժամանակ ճանաչվել է Շվեդիայի ամենագեղեցիկ շենքը, որը կառուցվել է մինչև 1950 թվականը։ Կառուցուման պահից եկեղեցին եղել է Շվեդիայի հեռավոր հյուսիսի խորհրդանիշն ու գլխավոր տեսարժան վայրը։