Գործարար Կարեն Գասպարյանի մահվան առնչությամբ քրվարույթ է նախաձեռնվել ինքնասպանության հասցնելու հատկանիշներով

Ըստ լրատվամիջոցի, նրա ձեռքում հայտնաբերվել է նաև ատրճանակ, իսկ ավտոմեքենայից դուրս համայնքային ոստիկանները հայտնաբերել են կրակված գնդակ։

Գործարար Կարեն Գասպարյանի մահվան առնչությամբ քննչական կոմիտեում վարույթ է նախաձեռնվել ինքնասպանության հասցնելու հատկանիշներով։

Քննչական կոմիտեից  հայտնեցին, որ դեպքի առթիվ նախաձեռնվել է քրեական վարույթ՝ Քրեական օրենսգրքի 162–րդ հոդվածի 1–ին մասով (ինքնասպանության հասցնելը) և 335–րդ հոդվածի 1–ին մասով (հրազենի, դրա հիմնական բաղկացուցիչ մասերի, ռազմամթերքի և այլ նյութերի, սարքերի, առարկաների ապօրինի շրջանառությունը)։

ՔԿ–ից նաև հայտնեցին, որ նշանակվել են դատաբժշկական, դատաձգաբանական փորձաքննություններ։ Կատարվում է նախաքննություն։

Ավելի վաղ shamshyan.com–ը հայտնել էր, որ օգոստոսի 18-ին՝ ժամը 17։40-ի սահմաններում տեղեկություն է ստացվել, որ Դեմիրճյան 1 հասցեում գտնվող էլիտար շենքի ստորգետնյա ավտոկայանատեղիում՝ «Mercedes» մակնիշի ավտոմեքենայում, դի կա՝ քունքի շրջանում հրազենային վնասվածքով։

Ըստ լրատվամիջոցի, նրա ձեռքում հայտնաբերվել է նաև ատրճանակ, իսկ ավտոմեքենայից դուրս համայնքային ոստիկանները հայտնաբերել են կրակված գնդակ։

Ավտոմեքենայի առջևի դռան ապակին վարորդի կողմից նույնպես վնասված է կրակոցի հետևանքով։