Իդրամը STEM Acceleration Award 2025-ի կողքին

Իդրամի հետ համագործակցությամբ օրերս կայացավ Feminno հասարակական կազմակերպության «STEM Acceleration Award» ծրագրի եզրափակիչ մրցույթը, որին մասնակցեցին Հայաստանի բոլոր մարզերից շուրջ 200 դպրոցահասակ աղջիկներ։

Աղջիկների շրջանում գիտական հետաքրքրություն ու առաջնորդություն ձևավորելուն միտված երեքամսյա ամառային ծրագրի ընթացքում 8-12-րդ դասարանների սովորողները մշակեցին և իրականացրին STEM նախագծեր՝ միավորելով գիտությունը, տեխնոլոգիան, ճարտարագիտությունը և մաթեմատիկան։  

Ամռան ընթացքում ծրագրի մասնակից դպրոցականների հետ ֆինանսական գրագիտության վեբինար էր անցկացրել նաև Իդրամ ընկերությունը․ աղջիկներին ներկայացվել էին Ֆինանսական գրագիտության հիմունքները, արդյունավետ խնայելու եղանակները, ֆինանսական զեղծարարություններից պաշտպանված լինելու կանոնները։ Դպրոցականները ծանոթացել էին նաև Իդրամ Ջունիոր հավելվածի հետ։ 

Մեկ ամբողջ օր տևած մրցութային օրվա ավարտին հնչեցին տարբեր անվանակարգերում լավագույնը ճանաչված թիմերի անունները, իսկ Իդրամն իր կողմից ընտրված լավագույն նախագծերի եռյակին պարգևատրեց հատուկ նվերներով։ 


ԸՆԿԵՐՈՒԹՅՈՒՆՆԵՐԸ ՎԵՐԱՀՍԿՎՈՒՄ ԵՆ ՀՀ ԿԲ ԿՈՂՄԻՑ