IDBank-ը ԵՊՀ «Փոխակերպվող տնտեսություն» միջազգային գիտաժողովի հովանավոր

Բանախոսների շարքում է IDBank-ի Կորպորոտիվ բանկինգի գծով տնօրենի տեղակալ Երվանդ Ասլանյանը։

IDBank-ը գիտաժողովի հովանավորն է։

Հոկտեմբերի 8-ին ԵՊՀ տնտեսագիտության և կառավարման ֆակուլտետում մեկնարկեց «Փոխակերպվող տնտեսություն. մարդկային կապիտալի զարգացում, ստեղծարար նորարարական տնտեսություն, կայուն ներառական աճ» խորագրով միջազգային 2-րդ գիտաժողովը: Գիտաժողովի կազմակերպիչներն են Երևանի պետական համալսարանի տնտեսագիտության և կառավարման ֆակուլտետն ու  Տարածաշրջանային գիտության ակադեմիան։

Գիտաժողովի նպատակն է հարթակ ապահովել նորարարական հետազոտությունների արդյունքների տարածման համար՝ խթանելով համագործակցությունը ակադեմիական շրջանակների և աշխարհի տարբեր գիտակրթական հաստատությունների մասնագետների միջև:

«Վերաիմաստավորելով աճը հանուն կլիմայական ավելի ճկուն ապագայի» թեմայով պանելային քննարկման թիրախում գլխավոր հարցն է՝ ինչպե՞ս կարող է անցումը մաքուր էներգիային  վերաձևակերպել տնտեսական աճի մոդելները՝ ապահովելով կայունություն, համաչափ զարգացում և  բարօրություն՝ ինչպես զարգացած, այնպես էլ զարգացող տարածաշրջաններում։ 

Բանախոսների շարքում է IDBank-ի Կորպորոտիվ բանկինգի գծով տնօրենի տեղակալ Երվանդ Ասլանյանը։

Ինչպե՞ս կարող են թվային տեխնոլոգիաները փոխակերպել տնտեսություններն ու հասարակությունները, մեղմացնել տարածական անհամամասնություններն ու բարձրացնել կյանքի որակը, որքանո՞վ է մարդկային կապիտալի զարգացման խնդիրներին և կայուն ներառական աճի ապահովման հնարավորություններին անդրադառնալը կարևոր սոցիալ-տնտեսական մարտահրավերներին դիմակայելու տեսանկյունից՝ պանելային քննարկման օրակարգի շրջանակներում այս հարցերի պատասխաններն արդեն իսկ հնչեցին։

Եռօրյա գիտաժողովը շարունակվում է։ 


*գովազդ