Կզանգահարեմ Զելենսկուն և Պուտինին. Թրամփ

Լրագրողը հարցրել է Թրամփին՝ ինչ ուղերձ ունի նա Կրեմլի ղեկավարին։

Դոնալդ Թրամփը Լեհաստանի նախագահի հետ համատեղ մամուլի ասուլիսում անդրադարձել է ռուս-ուկրաինական հակամարտությանը: ԱՄՆ նախագահը տեղեկացրել է, որ առաջիկա օրերին կզանգահարի Վոլոդիմիր Զելենսկուն և Վլադիմիր Պուտինին։

Լրագրողը հարցրել է Թրամփին՝ ինչ ուղերձ ունի նա Կրեմլի ղեկավարին։

«Ոչ մի: Նա ծանոթ է իմ դիրքորոշմանը և պետք է որոշում կայացնի: Եթե դժգոհ մնանք, հետևանքներ կլինեն»,- պատասխանել է Սպիտակ տան ղեկավարը: ԱՄՆ նախագահը հույս է հայտնել, որ Ռուսաստանի և Ուկրաինայի նախագահները կհանդիպեն:

Թրամփը մեկնաբանել է Պեկինում Երկրորդ համաշխարհային պատերազմի ավարտի 80-ամյակին նվիրված շքերթը, որին ընդառաջ Չինաստանի, Ռուսաստանի և Հյուսիսային Կորեայի ղեկավարները կողք կողքի առաջինն են բարձրացել ամբիոն՝ հետևելու միջոցառմանը:

«Տպավորիչ էր: Ես հասկանում եմ՝ հույս են ունեցել, որ կհետևեմ իրենց, իսկ ես իրոք հետևել եմ»,- նշել է Թրամփը, հավատացրել, որ լավ հարաբերություններ ունի Վլադիմիր Պուտինի, Սի Ծինփինի և Կիմ Չեն Ընի հետ, սակայն առաջիկա երկու շաբաթում պարզ կլինի՝ որքան»,- նշել է Թրամփը:

ԱՄՆ նախագահը նաև տեղեկացրել է, որ մտադիր չեն դուրս բերել ամերիկյան զորքերը Լեհաստանից, հակառակը՝ դրանց քանակը կարող է ավելացվել: Կարոլ Նավրոցկին էլ նշել է, որ Թրամփը Վարշավային անվտանգության երաշխիքներ է տվել և վերահաստատել հավատարմությունը ռազմական գործակցությանը: