Աննայի որոշմանը վերաբերվում եմ հարգանքով. Փաշինյան

Վարչապետ Նիկոլ Փաշինյանը Ֆեյսբուքում անդրադարձել է Աննա Հակոբյանի հայտարարությանը՝ նշելով, որ նրա որոշմանը վերաբերվում է հարգանքով։

«Վերջին 30 տարում իմ բոլոր դժվարին օրերին նա եղել է իմ կողքին, եղել է իմ ապավենն ու հենարանը։ Վստահ չեմ, թե ես նրա համար եղել եմ այդպիսին։ Թերևս ավելի շատ դառնություն եմ պատճառել, ինչի համար ներողություն եմ խնդրում»,– գրել է վարչապետը։

Ավելի վաղ Աննա Հակոբյանը հրապարակել էր տեսանյութ, որտեղ հայտարարել էր, որ իր և վարչապետ Նիկոլ Փաշինյանի ամուսնությունն ավարտվել է, և որ փետրվարի 25-ին լքում է կառավարական առանձնատունը։