Ուրսուլա ֆոն դեր Լայենը Կիևում է՝ պատերազմի մեկնարկից ի վեր արդեն տասներորդ անգամ

Այսօր լրանում է ռուս-ուկրաինական պատերազմի 4-րդ տարելիցը։

Եվրահանձնաժողովի նախագահ Ուրսուլա ֆոն դեր Լայենը հայտնել է, որ Կիևում է՝ Ռուսաստանի կողմից Ուկրաինայի դեմ լայնածավալ պատերազմի մեկնարկից ի վեր արդեն տասներորդ անգամ։

«Կիևում եմ՝ պատերազմի սկզբից ի վեր տասներորդ անգամ։ Վերահաստատելու, որ Եվրոպան անսասանորեն կանգնած է Ուկրաինայի կողքին՝ ֆինանսապես, ռազմական առումով և այս դաժան ձմռան ընթացքում։ Ընդգծելու մեր մնայուն հավատարմությունը Ուկրաինայի արդար պայքարին։ Եվ հստակ ուղերձ հղելու ինչպես ուկրաինացի ժողովրդին, այնպես էլ ագրեսորին. մենք չենք ընկրկի, քանի դեռ խաղաղությունը չի վերականգնվել։ Խաղաղություն՝ Ուկրաինայի պայմաններով»,- գրել է ֆոն դեր Լայենը X սոցիալական հարթակում։

Այսօր լրանում է ռուս-ուկրաինական պատերազմի 4-րդ տարելիցը։