Ինչպես կարող է օտարերկրացին ունենալ թվային ստորագրություն Հայաստանում

Բջջային ID SIM քարտ (mID) օտարերկրացիների համար Հայաստանում

Ըստ ՀՀ կառավարության 2017 թ. մայիսի 25-ի N 572-Ն որոշման 2024 թ. ապրիլի 24-ի փոփոխության՝ Հայաստանում կացության կարգավիճակ ունեցող օտարերկրացիները կարող են ստանալ բջջային ID SIM քարտ (mID)։

Ովքեր կարող են ստանալ mID SIM քարտ

Օտարերկրացիները, որոնք՝

• Ունեն Հանրային ծառայության համարանիշ (ՀԾՀ)

• Ունեն հետևյալ փաստաթղթերից մեկը՝

  • Ժամանակավոր կացության քարտ

  • Մշտական կացության քարտ

  • Հատուկ անձնագիր

  • Բնակության օրինականությունը հավաստող տեղեկանք

Անհրաժեշտ քայլեր

Քայլ 1. Գրանցում օտարերկրացիների հաշվառման համակարգում

Մեկ անգամ պետք է այցելել Վազգեն Սարգսյան 3 հասցեում գտնվող Հանրային ծառայությունների միասնական գրասենյակ՝ օտարերկրացիների հաշվառման համակարգում նույնականացման համապատասխան նշում կատարելու համար։

Ձեզ հետ անհրաժեշտ է ունենալ՝

• Անձնագիր

• Կացության կարգավիճակի քարտ կամ հատուկ անձնագիր կամ տեղեկանք բնակության օրինականության մասին

Նշում․ եթե օտարերկրացին 2024 թ. օգոստոսի 23-ից հետո ստացել է կացության քարտ կամ տեղեկանքի քարտ workpermit.am հարթակի միջոցով և ստացել է համապատասխան էլեկտրոնային ծանուցում, ապա գրասենյակ այցելելու անհրաժեշտություն չկա։

Քայլ 2. Դիմում բջջային օպերատորին

Գրանցման գործընթացը ավարտելուց հետո օտարերկրացին կարող է դիմել նախընտրելի բջջային կապի օպերատորին (օրինակ՝ Viva-MTS, Ucom կամ Team Telecom)՝ mID SIM քարտ ստանալու համար։

Պարտադիր է ներկայացնել հետևյալ փաստաթղթերը՝

• Վավեր կացության փաստաթուղթ

• Անձը հաստատող փաստաթուղթ

• Հանրային ծառայության համարանիշ

Վճարներ

• Քարտի վերաթողարկման վճար՝ 500 դրամ

• Բջջային օպերատորի սակագնային փաթեթի արժեքը՝ ըստ ընտրած փաթեթի

Ինչ է Mobile ID SIM քարտը

Mobile ID SIM քարտը SIM քարտի վրա հիմնված թվային նույնականացման միջոց է, որը թույլ է տալիս օգտվել պետական և մասնավոր էլեկտրոնային ծառայություններից՝ ներառյալ անձի նույնականացում, թվային ստորագրություն, առցանց հաստատում և այլն։

Հիշեցում

Mobile ID SIM քարտը կարևոր նախապայման է՝ Հայաստանում թվային ծառայություններից լիարժեք օգտվելու համար։

Էլեկտրոնային թվային ստորագրության ծառայությունը հասանելի է տարեկան 3000 ՀՀ դրամով։ Վճարման պայմաններին և մանրամասներին կարող եք ծանոթանալ հետևյալ հղումով` https://www.ekeng.am/hy/payments?fbclid=IwY2xjawLstURleHRuA2FlbQIxMABicmlkETFrREV5S1VCVEM4dk9YSnRFAR7nmnCtYz_sQDDJLYo29FaC5XuryUK99R6LkWFUTGcZ7ESmKAoXItzM-WBMTg_aem_z4ty-dXJU10LNQFLnrPxvw