ԱՄՆ–ԵՄ մաքսային համաձայնության հույսերը խթանել են համաշխարհային շուկաները

ԱՄՆ-ն կհանի եվրոպական մի շարք ապրանքների վրա նախատեսված 30%-անոց մաքսատուրքերը:

Հուլիսի 24-ին համաշխարհային ֆոնդային շուկաները նոր ռեկորդներ գրանցեցին՝ պայմանավորված ԱՄՆ–ԵՄ միջեւ հնարավոր մաքսային համաձայնագրով։

STOXX Europe 600 ինդեքսն աճեց 0.9%-ով՝ հասնելով վեցշաբաթյա առավելագույնին, իսկ Nikkei-ն բարձրացավ 3.1%-ով՝ պայմանավորված Ճապոնիայի և ԱՄՆ-ի միջև մաքսային գործարքով։

Ենթադրվում է, որ ԱՄՆ-ն կհանի եվրոպական մի շարք ապրանքների վրա նախատեսված 30%-անոց մաքսատուրքերը՝ սահմանելով դրանք 15%։ Այս զարգացումները նպաստեցին նաև եվրոյի արժեւորմանը՝ այն հասավ $1.179-ի, որն ամենաբարձրն է վերջին երեք շաբաթների ընթացքում։

Տեխնոլոգիական հսկաները ցուցաբերում են խիստ տարբեր արդյունքներ. Tesla-ի բաժնետոմսերը նվազել են 7.2%-ով՝ հերթական ձախողված եռամսյակի հաշվետվությունից հետո, մինչդեռ Alphabet-ի արժեթղթերն աճել են 3.8%՝ AI ոլորտում կատարված ներդրումների շնորհիվ։ Բիզնես ակնկալիքների ինդեքսը՝ ըստ S&P Global-ի, կազմել է 52.3 հուլիսին՝ ցուցադրելով սպասվածից ավել աճ։

Աղբյուրը՝ Reuters