Հայաստանի պետական պարտքը շարունակում է աճել. նոր թվեր և դինամիկա

2025 թվականի հուլիսի 31-ի դրությամբ Հայաստանի պետական պարտքը կազմել է 5,411,591.6 մլն դրամ:

2025 թվականի հուլիսի 31-ի դրությամբ Հայաստանի պետական պարտքը կազմել է 5,411,591.6 մլն դրամ, որը 2024 թվականի նույն ժամանակահատվածի համեմատ աճել է 13%-ով կամ 620,750.8 մլն դրամով:

Արտաքին պարտքը կազմել է 2,669,680.1 մլն դրամ՝ 9.8%-ով աճելով 2024թ.-ի ցուցանիշի համեմատ: Արտաքին պարտքի մեծ մասը ՀՀ կառավարությանն է պատկանում (2,468,813.2 մլն դրամ), իսկ Կենտրոնական բանկի պարտքը կազմում է 200,866.9 մլն դրամ:

Ներքին պարտքը կազմել է 2,741,911.5 մլն դրամ, որից 2,511,767.2 մլն դրամը ռեզիդենտների կողմից ձեռք բերված պետական գանձապետական պարտատոմսերն են, 205,914.6 մլն դրամը՝ արտարժութային պարտատոմսերը, իսկ 24,229.7 մլն դրամը ներքին երաշխիքները: Ներքին պարտքն աճել է 16.2%-ով կամ 382,999.3 մլն դրամով:

Եթե փոխարժեքը հաշվի առնենք 383.84 դրամ/ԱՄՆ դոլար, ապա Հայաստանի պետական պարտքը կազմում է 14.1 մլրդ ԱՄՆ դոլար, որից արտաքինը՝ 6.96 մլրդ, ներքինը՝ 7.1 մլրդ դոլար: 2024թ.-ի հուլիսի վերջի համեմատ պարտքը աճել է 14.3%-ով կամ 1,763.1 մլն դոլարով: