Ինչ է տեղի ունեցել․ ՀՀ առողջապահության նախարարության փոխանցմամբ՝ ձևավորման ավարտական փուլում գտնվող Հայաստանի Արագ արձագանքման բժշկական թիմը պատրաստվում է անցնել միջազգային որակավորում։
Ինչու է դա կարևոր․ Որակավորում ստանալուց հետո թիմը հնարավորություն կունենա ներգրավվելու ինչպես Հայաստանում արտակարգ իրավիճակների հետևանքով տուժածներին բուժօգնություն ցուցաբերելու աշխատանքներին, այնպես էլ, անհրաժեշտության դեպքում, երկրից դուրս իրականացվող միջազգային մարդասիրական առաքելություններին։
Պատրաստվածության աստիճանը․
Վերապատրաստում․ Թիմի անձնակազմն անցել է մասնագիտական համապատասխան դասընթացներ ինչպես Հայաստանում, այնպես էլ արտերկրում։
Ինքնաբավություն․ Խումբն ապահովված է անհրաժեշտ լոգիստիկ, բժշկական գույքով, պարագաներով ու սարքավորումներով, ինչը թույլ է տալիս դաշտային պայմաններում ծավալել ինքնաբավ գործունեություն առնվազն 14 օր։
