Հայաստանի Հանրապետությունը շահագրգռված է Եվրասիական տնտեսական միությունում (ԵԱՏՄ) հետագա մասնակցությամբ և կառույցի տնտեսական մեխանիզմների անխափան աշխատանքով։ Այս մասին հայտարարել է ՀՀ վարչապետ Նիկոլ Փաշինյանը Եկատերինբուրգում՝ ՌԴ կառավարության ղեկավար Միխայիլ Միշուստինի հետ կայացած հանդիպման ժամանակ։
Վարչապետի փոխանցմամբ՝ հայկական կողմի համար առաջնային է, որպեսզի միության մասին պայմանագրով ամրագրված բոլոր կարգավորումներն ու գործիքները գործեն պլանային ռեժիմով։ Ըստ կառավարության ղեկավարի՝ դա լիովին բխում է ինչպես Հայաստանի, այնպես էլ կառույցի հետագա զարգացման ընդհանուր շահերից։
