Գյուղմթերքի արտահանման ծավալն աճել է 13.8 տոկոսով

Հայաստանից գյուղմթերքի արտահանման ծավալը նախորդ տարվա նույն ժամանակահատվածի համեմատ աճել է 13.8 տոկոսով։

Այս մասին Կառավարության հոկտեմբերի 23-ի նիստում հայտարարեց վարչապետ Նիկոլ Փաշինյանը:

«Ծիրանի դեպքում՝ 25.5 տոկոս աճ, սալորի դեպքում՝ 61.1, դեղձի դեպքում՝ 87.1, կեռասի դեպքում՝ 123, տանձի դեպքում՝ 245, լոլիկի դեպքում՝ 12, պղպեղի դեպքում՝ 62, կաղամբի դեպքում՝ 843, սմբուկի դեպքում՝ 72, հատով ծաղիկի դեպքում՝ 6.4, տոննայով՝ 116 տոկոսով է աճել արտահանումը»,- ասաց վարչապետը:

Էկոնոմիկայի նախարար Գևորգ Պապոյանն անդրադարձավ խաղողի մթերմանը, նշեց՝ տեխնիկական ամբողջ սորտերի մթերումն արդեն ավարտված է:

«Այս պահի դրությամբ՝ մոտ 211 հազար տոննա մթերվել է: Ամբողջ անցած տարի մթերման ծավալը եղել է 164 հազար 200 տոննա»,- նշեց նախարարը:

Գևորգ Պապոյանը հավելեց՝ այս պահին մթերման գործընթացում են Արենի սորտի խաղողը և որոշ այլ տեսակներ: