Գումարը չի հերիքել տարակարգ ստացած բոլոր ուսուցիչներին հավելավճար տալու համար

Լրացուցիչ 68 մլն դրամ հատկացվեց։

Կառավարությունն իր այսօրվա՝ դեկտեմբերի 18–ի նիստում որոշեց պահուստային ֆոնդից լրացուցիչ 68 մլն 785 հազար դրամ հատկացնել ատեստավորման միջոցով տարակարգի որակավորում ստացած ուսուցիչներին համապատասխան հավելավճարի տրամադրման նպատակով։

Հիմնավորման մեջ նշվում է, որ ուսուցիչներին համապատասխան հավելավճարի տրամադրման նպատակով հատկացված 368 մլն 73 հազար դրամ գումարը, չի բավարարում տարակարգ ստացած բոլոր ուսուցիչներին 2025 թվականի իրենց հասանելիք հավելավճարները վճարելու համար։ Անհրաժեշտություն է առաջացել այդ նպատակով հատկացնել ևս 68 մլն 785 հազար դրամ: