Մեծ Բրիտանիան պատժամիջոցներ է սահմանել վրացական «Իմեդի» և «Postv» հեռուստաընկերությունների դեմ

Հեռուստաընկերությունների կամ վրացական պաշտոնական կառույցների արձագանքը դեռևս չի հրապարակվել։

Միացյալ Թագավորությունը պատժամիջոցներ է սահմանել վրացական լրատվամիջոցների, այդ թվում՝ «Իմեդի» և «Postv» հեռուստաընկերությունների նկատմամբ։

Այս մասին նշված է Մեծ Բրիտանիայի կառավարության հրապարակած պաշտոնական փաստաթղթում։

Փաստաթղթի համաձայն՝ սահմանափակումները կիրառվել են Ուկրաինայում տիրող իրավիճակի վերաբերյալ «ոչ հավաստի տեղեկատվություն» կամ «ապատեղեկատվություն» տարածելու հիմնավորմամբ։

Բրիտանական կողմը հայտարարել է, որ միջոցները կիրառվում են տեղեկատվական անվտանգությունը պաշտպանելու և Ուկրաինայի շուրջ ապատեղեկատվության տարածմանը հակազդելու նպատակով։

Հեռուստաընկերությունների կամ վրացական պաշտոնական կառույցների արձագանքը դեռևս չի հրապարակվել։