Կառավարության նիստի օրակարգում 57 հարց է, որից 55–ը չի զեկուցվում (ուղիղ)

ՀՀ վարչապետ Նիկոլ Փաշինյանի գլխավորած կառավարությունն այսօր՝ ապրիլի 2–ին, անցկացնում է իր հերթական նիստը:

Նիստի օրակարգում ընդգրկված է 57 հարց, որից չի զեկուցվում 55-ը:

Օրակարգում են, մասնավորապես, հետևյալ հարցերը.

– «Սպորտի զարգացման «Ասադա» կրթական համալիր» հասարակական կազմակերպության կողմից ներկայացված ծրագրին հավանություն տալու և անհատույց օգտագործման իրավունքով գույք հանձնելու մասին,

– «Քրեակատարողական ծառայության մասին» օրենքում փոփոխություններ և լրացումներ կատարելու մասին» օրենքի նախագծին հավանություն տալու մասին,

– «Առողջության համընդհանուր ապահովագրության մասին» օրենքում փոփոխություններ և լրացումներ կատարելու մասին» օրենքի և հարակից օրենքների նախագծերին հավանություն տալու և անհետաձգելի համարելու մասին,

– Հայաստանի Հանրապետության տարածք առանց ներմուծման մաքսատուրքի վճարման եղեգնաշաքարի ներմուծման մասին և այլ հարցեր։