Կառավարությունը փոխել է պահուստային ֆոնդից հատկացումների վերաբերյալ որոշումների ներկայացման կարգը

Փոփոխությունը նպատակ ունի հստակեցնել պատասխանատվության շրջանակները։

ՀՀ կառավարությունը սահմանել է նոր կարգ, ըստ որի՝ այսուհետ ՀՀ կառավարության պահուստային ֆոնդից հատկացումների, ինչպես նաև վերաբաշխումների վերաբերյալ կառավարության որոշումների նախագծերը կկազմվեն և կներկայացվեն բյուջետային գլխավոր կարգադրիչների կողմից։

Որոշմամբ հաստատվել է միասնական մոտեցում, համաձայն որի՝ պահուստային ֆոնդից հատկացումների և վերաբաշխումների վերաբերյալ ՀՀ կառավարության որոշման նախագծերը ներկայացվում են բյուջետային գլխավոր կարգադրիչների կողմից, այդ թվում՝ ՀՀ ֆինանսների նախարարության։ Նոր կարգով սահմանվում են նախագծերի ներկայացման միասնական պահանջներ և կառուցակարգեր։

Կառավարության հաղորդմամբ՝ փոփոխությունը նպատակ ունի հստակեցնել պատասխանատվության շրջանակները, համակարգել բյուջետային գործընթացները և ապահովել որոշումների մշակման միասնական ընթացակարգ։