Կառավարությունում շարունակվել են «Երևան քաղաքում տեղական ինքնակառավարման մասին» օրենքի փոփոխությունների քննարկումները

Քննարկումների ընթացքում անդրադարձ է կատարվել մի շարք առանցքային ուղղությունների:

Վարչապետ Նիկոլ Փաշինյանի գլխավորությամբ Կառավարությունում շարունակվել են «Երևան քաղաքում տեղական ինքնակառավարման մասին» օրենքում և հարակից օրենքներում փոփոխություններ և լրացումներ կատարելու մասին օրենքների նախագծերի շուրջ քննարկումները։

Երևանի քաղաքապետ Տիգրան Ավինյանը ներկայացրել է նախորդ խորհրդակցության արդյունքներով նախագծերի կատարելագործման ուղղությամբ իրականացվող աշխատանքների ընթացքը և ընթացիկ մոտեցումները։

Քննարկումների ընթացքում անդրադարձ է կատարվել մի շարք առանցքային ուղղությունների, մասնավորապես՝

• վարչական իրավախախտումների դեմ պայքարի արդյունավետության բարձրացմանը,

• գույքահարկի վճարման կարգավորումների բարելավմանը,

• պետական գերատեսչությունների միջև համագործակցության մեխանիզմներին,

• կարգավորման ազդեցության գնահատման գործընթացներին,

• ինչպես նաև այլ ինստիտուցիոնալ լուծումներին։

Վարչապետ Նիկոլ Փաշինյանը կարևորել է տեղական ինքնակառավարման մարմինների ինստիտուցիոնալ զարգացումը և ընդգծել այս ոլորտում բարեփոխումների հետևողական իրականացման անհրաժեշտությունը։

Քննարկումների արդյունքներով հայտարարվել է, որ աշխատանքները կշարունակվեն օրենքների նախագծերով առաջարկվող կարգավորումների շուրջ՝ դրանք առավել ամբողջական և գործնական դարձնելու նպատակով։