Google-ն առաջին անգամ թույլ կտա օգտատերերին փոխել Gmail հասցեն՝ առանց հաշիվը կորցնելու

Ընկերությունը որոշել է թույլ տալ օգտատերերին փոխարինել իրենց ներկայիս Gmail հասցեն նորով։

Google-ը սկսել է աստիճանաբար ներդնել մի գործառույթ, որը հնարավորություն կտա Gmail հասցեն փոխել՝ առանց հաշիվը կամ տվյալները կորցնելու, հաղորդում է Business Standard-ը։

Սա վերաբերում է հատկապես @gmail.com հասցեներին։ Նախկինում անհնար էր դրանք փոխել, եթե ձեր էլեկտրոնային փոստի հասցեն օգտագործվում էր որպես հիմնական մուտքի հասցե։

Ընկերությունը որոշել է թույլ տալ օգտատերերին փոխարինել իրենց ներկայիս Gmail հասցեն նորով։ Սակայն հաշիվը կմնա նույնը, ինչը նշանակում է, որ էլ. փոստերը, Google Drive ֆայլերը, լուսանկարները, YouTube-ի պատմությունը, բաժանորդագրությունները և բոլոր ծառայություններին մուտքը կմնան անփոփոխ։

Սակայն կան սահմանափակումներ։ Հասցեն փոխելուց հետո օգտատերը չի կարողանա ջնջել նոր Gmail-ը կամ ստեղծել նորը @gmail.com դոմեյնով 12 ամսվա ընթացքում։ Ավելին, մեկ հաշվին թույլատրվում է հասցեի առավելագույնը երեք փոփոխություն հաշվի ողջ կյանքի ընթացքում։ Հին հասցեն մնում է մշտապես կապված օգտատիրոջ հետ և չի կարող օգտագործվել որևէ մեկի կողմից։

Google-ը զգուշացնում է, որ փոփոխություններն անմիջապես չեն կիրառվի ամենուրեք։ Օրինակ՝ հին Google Calendar-ի իրադարձությունները կարող են որոշ ժամանակ շարունակել ցուցադրել հին հասցեն։ Էլ․ փոստերը դեռևս կուղարկվեն այս հասցեից։