Գերմանիայի բյուրոկրատական մեքենան՝ տնտեսության զարգացման գլխավոր արգելակ

Տնտեսությունը կրճատվել է թե՛ 2023-ին, թե՛ 2024-ին, իսկ այս տարվա համար կանխատեսվում է լճացում։

Ըստ The Economist-ի վերլուծության այսօր Գերմանիան կանգնած է բազմաշերտ ճգնաժամի առաջ․ արդյունաբերական և արտահանման վրա հիմնված մոդելը ճնշվում է Չինաստանի կոշտ մրցակցությունից և ԱՄՆ-ի՝ ազատ առևտրի կանոնների ոչնչացումից, բնակչությունը արագ ծերանում է, իսկ արտադրողականության աճը կանգ է առել։ Տնտեսությունը կրճատվել է թե՛ 2023-ին, թե՛ 2024-ին, իսկ այս տարվա համար կանխատեսվում է լճացում։ 

Այդ պայմաններում հետևողականորեն ուժեղանում է գիտակցումը, որ փոփոխություններին խոչընդոտող գլխավոր գործոններից մեկը հենց պետական ապարատն է։ Օրեր առաջ դաշնային կառավարությունն ու նահանգների ղեկավարները համաձայնության են եկել պետության աշխատանքի խորքային արդիականացման շուրջ։ Սակայն, ինչպես նշում է The Economist-ը, առանց բյուրոկրատական իրավական մտածողության կոտրման այդ բարեփոխումները կարող են մնալ թղթի վրա։