Վրաստանը 105 օտարերկրացու է արտաքսել

Արտաքսված անձանց մուտքը հանրապետություն արգելված է։

Վրաստանի ՆԳՆ միգրացիոն դեպարտամենտի աշխատակիցները վերջին օրերին արտաքսել են 105 օտարերկրացու, որոնց թվում եղել են նաև Ռուսաստանի քաղաքացիներ։ Այս մասին ասված է գերատեսչության մամուլի ծառայության հաղորդագրության մեջ։

ՆԳՆ տվյալներով՝ Վրաստանից արտաքսվել են Ադրբեջանի, Բանգլադեշի, Բելառուսի, Եգիպտոսի, Հնդկաստանի, Հորդանանի, Ղազախստանի, Ղրղզստանի, Չինաստանի, Լիբանանի, Մարոկկոյի, Մյանմայի, Մոլդովայի, Նեպալի, Պակիստանի, Ռուսաստանի, Սուդանի, Թուրքիայի, Թուրքմենստանի, Ուզբեկստանի և այլ պետությունների քաղաքացիներ։

Արտաքսված անձանց մուտքը հանրապետություն արգելված է։

Վրաստանում 2025 թվականից ակտիվ պայքար է մղվում անօրինական միգրանտների դեմ։ Երկրի խորհրդարանը խստացրել է միգրացիոն օրենսդրությունը՝ պարզեցնելով արտաքսման, ինչպես նաև միգրանտների խուզարկության ընթացակարգերը։ Վրաստանի ՆԳՆ-ն ամեն ամիս հայտնում է տասնյակ օտարերկրյա քաղաքացիների վտարման մասին։ 2025 թվականին Վրաստանից վտարվել է ավելի քան 1,3 հազար օտարերկրացի, որոնց 5,6%-ը եղել են ՌԴ քաղաքացիներ։ Ինչպես ավելի վաղ հայտարարել էր Վրաստանի վարչապետ Իրակլի Կոբախիձեն, 2026 թվականին նախատեսվում է արտաքսել մինչև 4 հազար անօրինական միգրանտի։