Գեղարքունիքում հայտնաբերվել է ավելի քան 190 սիգ և ձկնկիթի ապօրինի տեղափոխում

Վարորդի պարզաբանմամբ՝ ձկները ձեռք են բերվել նոյեմբեր ամսին՝ անծանոթ անձից։

Գեղարքունիքի մարզի գումարտակի ջրային պարեկները շարունակել են ձկնագողության դեպքերի բացահայտման ուղղությամբ իրականացվող միջոցառումները։ Դեկտեմբերի 31-ին հերթական դեպքը գրանցվել է Սևան–Մարտունի–Գետափ ավտոճանապարհին։

Պարեկները կանգնեցրել են Նորատուս գյուղի 34-ամյա բնակչի կողմից վարած «ՎԱԶ-21099» մակնիշի ավտոմեքենան։ Ստուգման արդյունքում ավտոմեքենայի սրահում հայտնաբերվել է 74 կգ ավելի 193 սիգ տեսակի ձուկ, ինչպես նաև մոտ 2 կգ ձկնկիթ՝ տեղավորված 14 տարայի մեջ։

Վարորդի պարզաբանմամբ՝ ձկները ձեռք են բերվել նոյեմբեր ամսին՝ անծանոթ անձից։

Հայտնաբերված ձկան և ձկնկիթի ամբողջ խմբաքանակը հանձնվել է Բնապահպանության և ընդերքի տեսչական մարմնի Գեղարքունիքի տարածքային բաժին։

Դեպքի վերաբերյալ կազմված փաստաթղթերն ուղարկվել են նախաքննական մարմին՝ իրավական ընթացակարգերի իրականացման նպատակով։