Ֆրանսիայում ավագ դպրոցականներն ու ուսանողները կոչ են արել շարունակել կրթական համակարգի դեմ բողոքի ցույցերը, որոնց վերջին երկու օրում մասնակցել են հարյուր հազարավոր մարդիկ: Բողոքի ալիքը տարածվել է նաև հարևան Բելգիայում:
Ինչու է դա կարևոր. Երեք շաբաթ տևող ակցիաները վերածվել են բախումների՝ հանգեցնելով մասշտաբային ձերբակալությունների, մարդկային տուժածների և միլիոնավոր եվրոյի նյութական վնասների:
Ֆրանսիայի իրավիճակը թվերով և փաստերով.
Ձերբակալվածներ և տուժածներ. 3 շաբաթում ձերբակալվել է ավելի քան 6 000 մարդ (մեծ մասամբ անչափահասներ): Վիրավորվել է 1 000-ից ավելի մարդ, այդ թվում՝ ոստիկաններ:
Արգելք. Ֆրանսիան դադարեցրել է լուսաձայնային նռնակների կիրառումը, քանի որ դրանց պայթյունից 15-ամյա աշակերտը ձեռք է կորցրել:
Նյութական վնաս. Ուսումնական հաստատություններին հասցված վնասը գնահատվում է շուրջ 30 միլիոն եվրո:
Իրավիճակը Բելգիայում.
Լիեժ քաղաքում ուսանողները բողոքում են ուսման վարձի թանկացման, ծանրաբեռնված դասացուցակների և դասասենյակների գերբեռնվածության դեմ:
Քաղաքային գույքի հրկիզումներից հետո ոստիկանությունը կիրառել է ջրցան մեքենաներ. բերման է ենթարկվել 100-ից ավելի մարդ:
