Սննդամթերքի գներն աճում են ամբողջ աշխարհում․ որոնք են հիմնական պատճառները

Տարեկան կտրվածքով ցուցանիշը բարձր է մոտ 1%-ով։

ՄԱԿ Պարենային և գյուղատնտեսական կազմակերպության (ՊԳԿ) տվյալներով՝ 2026 թվականի մարտին պարենի գների համաշխարհային ինդեքսը կազմել է 128.5 կետ՝ աճելով 2.4%-ով նախորդ ամսվա համեմատ։

Տարեկան կտրվածքով ցուցանիշը բարձր է մոտ 1%-ով։

ՊԳԿ-ի գնահատմամբ՝ աճը պայմանավորված է էներգակիրների գների բարձրացմամբ, որը կապված է Մերձավոր Արևելքում շարունակվող հակամարտությամբ։

Միաժամանակ նշվում է, որ պարարտանյութերի մատակարարումների խափանումները նպաստում են շուկաների անորոշությանը։

Չնայած դրան՝ հացահատիկի համաշխարհային մատակարարումների իրավիճակը գնահատվում է համեմատաբար կայուն։

Տվյալները ցույց են տալիս, որ էներգետիկ և մատակարարման գործոնները շարունակում են ազդեցություն ունենալ պարենի գլոբալ գների ձևավորման վրա։