Ֆինանսական հոսքեր Հայաստան․ 2025-ի առաջին 10 ամիսների պատկերը

Զուտ ներհոսքը կազմել է ավելի քան 1 միլիարդ 47 միլիոն դոլար։

ՀՀ Կենտրոնական բանկի տվյալներով 2025 թվականի հունվարից հոկտեմբեր ամիսներին դրամական փոխանցումների ներհոսքը Հայաստան դոլարային արտահայտությամբ կազմել է 4 միլիարդ 761 միլիոն դոլար։

Նույն ժամանակահատվածում Հայաստանից դրամական փոխանցումների արտահոսքը կազմել է 3 միլիարդ 614 միլիոն դոլար։ Հետևաբար, 2025 թվականի հունվար-հոկտեմբեր ամիսներին դրամական փոխանցումների զուտ ներհոսքը (ներհոսքի և արտահոսքի տարբերությունը) Հայաստան կազմել է մոտավորապես 1,15 միլիարդ դոլար։

ՀՀ Կենտրոնական բանկի տվյալներով՝ 2024 թվականի հունվարից հոկտեմբեր ամիսներին դրամական փոխանցումների ներհոսքը դոլարային արտահայտությամբ կազմել է 4 միլիարդ 520 միլիոն դոլար, իսկ արտահոսքը՝ 3 միլիարդ 472 միլիոն դոլար։

Զուտ ներհոսքը կազմել է ավելի քան 1 միլիարդ 47 միլիոն դոլար։

Դա նշանակում է, որ 2025 թվականի առաջին 10 ամիսների ընթացքում Հայաստան կատարված դրամական փոխանցումների զուտ ներհոսքը նախորդ տարվա նույն ժամանակահատվածի համեմատ աճել է մոտ 10%-ով։

Ռուսաստանը մնում է Հայաստան կատարվող դրամական փոխանցումների ամենամեծ աղբյուրը։