Ֆինանսների նախարարությունը ներկայացրել է հետվճարի տրամադրման կարգը

Հետվճարը տրամադրվում է 1 000 ՀՀ դրամը գերազանցող գործարքների դիմաց։

Հունվարի 1-ից ԱՐՔԱ վճարային համակարգի քարտերով անկանխիկ եղանակով կատարված վճարումների դեպքում կտրամադրվի 2% հետվճար։ Ֆինանսների նախարարությունը ներկայացրել է հետվճարի տրամադրման կարգը և սահմանված պայմանները։

Նախարարության տեղեկացմամբ՝ միջոցառման շրջանակում հաշվարկված հետվճարը շահառուներին կփոխանցվի ինքնաշխատ եղանակով՝ մինչև տվյալ գործարքին հաջորդող ամսվա 25-ը։

Հետվճարը տրամադրվում է 1 000 ՀՀ դրամը գերազանցող գործարքների դիմաց։ Սահմանված է, որ յուրաքանչյուր առանձին գործարքի համար հետվճարի չափը չի կարող գերազանցել 6 000 ՀՀ դրամը։

Միաժամանակ սահմանվել է ամսական սահմանաչափ․ յուրաքանչյուր հաշվետու ամսվա ընթացքում մեկ շահառուի համար տրամադրվող հետվճարի առավելագույն չափը չի կարող գերազանցել 60 000 ՀՀ դրամը։

Ծրագիրը վերաբերում է ԱՐՔԱ համակարգի միջոցով իրականացվող անկանխիկ վճարումներին և իրականացվում է պետական ֆինանսական խթանման շրջանակում։