Փետրվարի 4-ի կարևոր լուրերը

Ինչ է կատարվել Հայաստանում և աշխարհում։

Խաղաղության համաձայնագրի խորհրդանշական նշանակությունը
Վարչապետ Նիկոլ Փաշինյանը հայտարարել է, որ խաղաղության համաձայնագրի շուրջ արարողությունը միայն փաստաթղթի ստորագրումը չէ, այլ նաև Հայաստանի և Ադրբեջանի կողմից հակամարտության էջի փակման հաստատումը։ Իր հերթին Ադրբեջանի նախագահ Իլհամ Ալիևը նշել է, որ ավելի քան 30 տարվա պատերազմից հետո տարածաշրջանը մտել է խաղաղության փուլ և սովորում է ապրել խաղաղ պայմաններում

Ռուսական հացահատիկի հերթական մատակարարումը Հայաստան
Ադրբեջանի տարածքով Ռուսաստանից Հայաստան կուղարկվի հացահատիկով բեռնված ևս 8 վագոն։ Ընդհանուր առմամբ արդեն 285 վագոն հացահատիկ է տեղափոխվել Ադրբեջանից Հայաստան

Իրանական ԱԹՍ-ի խոցումը ԱՄՆ ավիակրի մոտ
ԱՄՆ զինված ուժերը խոցել են իրանական Shahed-139 անօդաչու թռչող սարքը, որը մոտեցել էր «Աբրահամ Լինքոլն» ավիակիրին։ ԱՄՆ կողմը հայտնել է, որ միջադեպը տեղի է ունեցել ինքնապաշտպանության նպատակով, իսկ Իրանը հրաժարվել է մեկնաբանություններից

Սեյֆ ալ Իսլամ Քադաֆիի սպանությունը Լիբիայում
Լիբիայի նախկին առաջնորդ Մուամմար Քադաֆիի որդին՝ Սեյֆ ալ Իսլամը, սպանվել է Զինտան քաղաքում։ Նրա վրա հարձակվել են անհայտ զինյալներ, դեպքի այլ մանրամասներ դեռ չեն հրապարակվել

Փաշինյան Ալիև հանդիպումը Աբու Դաբիում
Աբու Դաբիում ավարտվել է Նիկոլ Փաշինյան և Իլհամ Ալիև հանդիպումը՝ ինչպես դեմ առ դեմ, այնպես էլ պատվիրակությունների ընդլայնված կազմերով։ Վարչապետը աշխատանքային այցով գտնվում է Արաբական Միացյալ Էմիրություններում և կմասնակցի «Զայեդ» մարդկային եղբայրության 2026 մրցանակաբաշխությանը

Եղանակային աննախադեպ ցուցանիշ Կուբայում
Օդերևութաբանական դիտարկումների պատմության մեջ Կուբայում առաջին անգամ գրանցվել է 0 աստիճան ջերմաստիճան։ Ռեկորդային ցուցանիշը արձանագրվել է Մատանսաս նահանգում

Ճանապարհային իրավիճակը Հայաստանում
Հանրապետության ավտոճանապարհները հիմնականում անցանելի են։ Արագածոտնի մարզում փակ են Ամբերդ ամրոց և Քարի լիճ տանող ճանապարհները, իսկ Ստեփանծմինդա Լարս ավտոճանապարհը փակ է բոլոր տեսակի տրանսպորտային միջոցների համար

Իրան ԱՄՆ բանակցությունների հնարավոր նոր ձևաչափը
Իրանը առաջարկել է ԱՄՆ-ի հետ միջուկային բանակցությունները Ստամբուլի փոխարեն անցկացնել Օմանում։ Վաշինգտոնը համաձայնել է առաջարկին, իսկ բանակցությունները կանցկացվեն երկկողմ ձևաչափով

ԱՄՆ կառավարության ֆինանսավորման վերականգնումը
Դոնալդ Թրամփը ստորագրել է կառավարության ֆինանսավորման մասին օրինագիծը՝ ավարտելով հունվարի վերջից սկսված մասնակի շաթդաունը։ Դաշնային կառույցների ֆինանսավորումը կապահովվի մինչև 2026 թվականի սեպտեմբերի 30-ը։