Փորձագետները բարձրացրել են հացահատիկի համաշխարհային արտադրության կանխատեսումը

Նախորդ սեզոնի համեմատ, եգիպտացորենի համաշխարհային բերքը կավելանա 65 միլիոն տոննայով:

Հացահատիկի միջազգային խորհուրդը (IGC) օգոստոսյան զեկույցում միանգամից 27 միլիոն տոննայով, այսինքն մինչև 2404 միլիոն տոննա է դարձրել 2025/26 թվականների սեզոնի հացահատիկի համաշխարհային արտադրության կանխատեսումը։

«Անսովոր կտրուկ վերանայումը հիմնականում արտացոլում է ԱՄՆ-ում եգիպտացորենի ցանքատարածությունների և բերքատվության աճը, բայց նաև ցորենի, սորգոյի և վարսակի համեմատաբար ավելի քիչ աճը», - ասվում է զեկույցում, փոխանցում է Ագրոէքսպորտը։

Արդյունքում, նախորդ սեզոնի համեմատ, եգիպտացորենի համաշխարհային բերքը կավելանա 65 միլիոն տոննայով և ռեկորդային կդառնա, ցորենի համախառն բերքը կավելանա 11 միլիոն տոննայով, գարու բերքը՝ 3 միլիոն տոննայով, սորգոյինը՝ 2 միլիոն տոննայով, վարսակինը՝ 1 միլիոն տոննայով։

2025/26 թվականների հացահատիկի համաշխարհային առևտրի նոր գնահատականը 437 միլիոն տոննա է, ինչը 7 միլիոն տոննայով ավելի է, քան հուլիսյան վերլուծության մեջ և 12 միլիոն տոննայով ավելի՝ քան 2024/25-ի մակարդակը։

IGC-ն վերանայել է նաև ռուսական ցորենի արտադրության և արտահանման կանխատեսումը։ Վերլուծաբանները Ռուսաստանում հացահատիկի 83,7 միլիոն տոննայի մակարդակով բերք են ակնկալում (հուլիսի 81,7 միլիոն տոննայի կանխատեսման համեմատ), իսկ արտահանումը՝ 43,6 միլիոն տոննա (43 միլիոն տոննա):