Financial Times (FT) պարբերականը, վկայակոչելով բրիտանական Energy and Climate Intelligence Unit (ECIU) վերլուծական կենտրոնի տվյալները, հայտնում է, որ այս ամռանը Եվրոպայում արձանագրված անսովոր բարձր ջերմաստիճանը կհանգեցնի կարտոֆիլի զգալի պակասորդի:
Առանցքային ցուցանիշներն ու գնահատականները.
Կորուստների ծավալը. Արտակարգ շոգի պատճառով կարտոֆիլի բերքը նվազել է 3,1 միլիոն տոննայով, ինչը դրամական արտահայտությամբ կազմում է 400-620 միլիոն եվրո: 2025 թվականի ռեկորդային ցուցանիշներից հետո, 2026 թվականին չի աճեցվել ևս շուրջ 3,6 միլիոն տոննա:
Արտադրության անկումը. Հիմնական արտադրող երկրներում (Գերմանիա, Ֆրանսիա, Բելգիա, Նիդեռլանդներ) արտադրությունը 2026 թվականին 2025-ի ռեկորդային 27,3 միլիոն տոննայից կնվազի մինչև 19,5–20,5 միլիոն տոննա:
Վիճակը Ֆրանսիայում. Արձանագրվել է վերջին 30 տարվա ամենացածր բերքը՝ չհաշված 2022 թվականի ուժեղ երաշտը:
EICU-ի արձագանքը. Վերլուծաբան Թոմ Լանքասթերը նշել է, որ կարտոֆիլը մեծ քանակությամբ ջուր պահանջող մշակաբույս է, և բերքատվության ցուցանիշները որոշ դեպքերում նվազել են 20%-ով՝ կարտոֆիլագործներին կանգնեցնելով ծայրահեղ անբարենպաստ իրավիճակի առջև:
