Եվրոպական պատվիրակությունը երկուշաբթի և երեքշաբթի օրերին ԱՄՆ-ի հետ կքննարկի պատժամիջոցները․ AFP

Ռուսաստանի դեմ պատժամիջոցների կիրառման հարցը քննարկելու համար ԱՄՆ մեկնող Եվրամիության պատվիրակությունը կգլխավորի պատժամիջոցների հարցերով հատուկ դեսպանորդ Դեյվիդ Օ'Սալիվանը, հաղորդում է AFP-ն՝ հղում անելով Բրյուսելի աղբյուրին։

Գործակալության տվյալներով՝ եվրոպացիները պատժամիջոցները կքննարկեն իրենց ամերիկացի գործընկերների հետ երկուշաբթի և երեքշաբթի օրերին։

Bloomberg-ը նախկինում հայտնել էր, որ ԵՄ-ն պլանավորում է Ռուսաստանի դեմ պատժամիջոցների 19-րդ փաթեթը համակարգել ԱՄՆ-ի հետ։ ԱՄՆ նախագահ Դոնալդ Թրամփը հայտարարել է, որ եվրոպացի առաջնորդները (առանց նշելու, թե կոնկրետ ովքեր) այս շաբաթ կժամանեն երկիր՝ Ուկրաինայի հարցը քննարկելու համար։