ԵՄ-ը ողջունել է Հայաստան-Ադրբեջան համաձայնությունը

ԵՄ-ն այս համաձայնությունը որակել է «նշանակալի առաջընթաց»։

Եվրոպայի խորհրդում ԵՄ պատվիրակությունը ողջունել է օգոստոսի 8-ին Նիկոլ Փաշինյանի և Իլհամ Ալիևի միջև ձեռք բերված համաձայնությունը:

ԵՄ-ն այս համաձայնությունը որակել է «նշանակալի առաջընթաց»։ Ընդգծվել է, որ կարևոր է ապահովել համաձայնեցված քայլերի ժամանակին կատարումը, խաղաղության պայմանագրի ստորագրումն ու վավերացումը:

«Անցյալ մարտին Հայաստան-Ադրբեջան երկկողմանի բանակցությունների ավարտից հետո այս համաձայնությունը կարևոր քայլ է երկու երկրների հարաբերությունների լիակատար նորմալացման ուղղությամբ: Այն հիմնված է ինքնիշխանության և տարածքային ամբողջականության փոխադարձ ճանաչման սկզբունքների վրա՝ համաձայն 1991 թվականի Ալմա-Աթայի հռչակագրի:

Եվրոպական միությունը շարունակում է աջակցել Հայաստան-Ադրբեջան նորմալացման գործընթացին»:

Հայտարարությանը միացել են Ալբանիան, Անդորրան, Բոսնիա և Հերցեգովինան, Վրաստանը, Իսլանդիան, Լիխտենշտայնը, Մոնակոն, Մոլդովան, Չեռնոգորիան, Նորվեգիան, Հյուսիսային Մակեդոնիան, Սան Մարինոն, Սերբիան, Ուկրաինան և Միացյալ Թագավորությունը: