Երևանի ավագանին հոկտեմբերի 13-ի նիստում որոշում է ընդունել, ըստ որի բարձր (IV կատեգորիա) կամ բարձրագույն (V կատեգորիա) ռիսկայնության աստիճանի օբյեկտների շինհրապարակների տեղեկատվական վահանակների վրա կառուցապատողները պարտավոր են տեղադրել QR կոդ:
Ինչու է դա կարևոր. Նոր պահանջը նպատակ ունի ապահովել շինարարական գործընթացի թափանցիկությունը քաղաքացիների համար: QR կոդի հղումը պետք է ակտիվ և հասանելի լինի շինարարական աշխատանքների ողջ ընթացքում:
Ինչ տեղեկատվություն կապահովի QR կոդը.
Ճարտարապետական մաս. Համաձայնեցված նախագծի ճարտարապետական հատվածը:
Փաստաթղթեր. Քաղաքաշինական փաստաթղթերի էլեկտրոնային տարբերակները:
3D պատկեր. Շինարարական օբյեկտի վերջնական տեսքի եռաչափ (3D) պատկերը, որը պետք է ներառի նաև հարակից տարածքների կանաչապատումը:
