Լոնդոնի FTSE 100 ֆոնդային ինդեքսը առաջին անգամ անցել է 9,000 կետի սահմանը, հասնելով 9,016.98 կետի, արձանագրելով ավելի քան 10% աճ 2025 թվականի ընթացքում։ Բրիտանական շուկայի աճին նպաստել է այն, որ ներդրողները հեռանում են ԱՄՆ շուկաներից՝ անհանգստացած Դոնալդ Թրամփի մաքսատուրքերի քաղաքականությամբ։

Թեպետ ինդեքսն օրվա ավարտին իջել է մինչև 8,938 կետ, փորձագետները նշում են, որ բրիտանական շուկան այսօր դիտվում է որպես կայունության օազիս գլոբալ անկայունության պայմաններում։ Տարվա լավագույն արդյունքներն արձանագրել են հանքարդյունաբերական Fresnillo-ն՝ 140% աճով, ինչպես նաև պաշտպանական ոլորտի Babcock-ը՝ 115% և BAE Systems-ը՝ 65% աճով։

 Լուրջ աճ է գրանցել նաև Rolls-Royce-ը՝ 75%-ով։ FTSE 100-ի եկամուտների շուրջ 75%-ը ձևավորվում է արտասահմանյան շուկաներից, ինչը դարձնում է այն գլոբալ տնտեսական մթնոլորտի կարևոր ցուցիչ։

Աղբյուրը՝ The Guardian