Էմմի 2025-ի կարմիր գորգի անակնկալը․ «կենդանի» Լաբուբու

Էմմիի այս տարվա կարմիր գորգին անակնկալ կերպարներից մեկը դարձավ խորհրդանշական Labubu խաղալիքի «կենդանի» տարբերակը։ Դրագ արտիստ Ջոելլան (իսկական անունը՝ Ջոի), ով հայտնի է RuPaul's Drag Race-ի 17-րդ եթերաշրջանից, ներկայացավ որպես հավաքորդական հրեշ՝ իր կերպարին ավելացնելով չինական մշակութային դետալներ՝ ի պատիվ իր ծագման։

Նրա հանդերձանքը բաղկացած էր փափուկ մորթուց կոմբինեզոնից՝ ականջներով ծղոտե գլխարկի տակ, կարմիր քիպաո զգեստից ոսկե նախշերով, և տանելու տուփ հիշեցնող պայուսակից։ Կերպարը ամբողջացնում էին ավանդական չինական կոշիկները՝ կարմիր զամշից ու ոսկե մատներով։ Դեմքի արտահայտիչ մեքափը՝ հսկայական «տիկնիկային» աչքերով ու ժպիտով, Ջոելլային գրեթե չտարբերվող էր դարձնում հայտնի խաղալիքից։

Չնայած սոցիալական ցանցերում կարծիքները բաժանվեցին՝ ոմանք նրան անվանեցին ամենավատ, իսկ մյուսները՝ լավագույն «հագնված» աստղը, Ջոելլայի կերպարը դարձավ երեկոյի ամենաշատ քննարկվողներից։

Հիշեցնենք, որ RuPaul’s Drag Race-ն այս տարի ևս ներկայացված է Էմմիի մի քանի անվանակարգերում, իսկ նախագծի հաղորդավար ՌուՓոլը շարունակում է պահպանել ռեկորդային ցուցանիշներ՝ արդեն ունենալով 14 արձանիկ և 22 անվանակարգ։

ՏԵՍԱՆՅՈՒԹ