Ինչ է տեղի ունեցել․ Եվրոպական հանձնաժողովի նախագահ Ուրսուլա ֆոն դեր Լայենը, սեպտեմբերի 16-ին հանդես գալով ԵՄ վիճակի մասին ամենամյա ուղերձով, հայտարարել է փոխկապակցվածության զարգացման նոր միջազգային նախագծի մասին։
Ինչու է դա կարևոր․ Ծրագիրը նպատակ ունի Հարավային Կովկասն ու Կենտրոնական Ասիան ուղղակիորեն կապել եվրոպական շուկային, դիվերսիֆիկացնել առևտրային երթուղիներն ու էապես կրճատել բեռնափոխադրումների ժամանակը։
Նախագծի մանրամասները․
Ֆինանսավորումը․ Global Gateway ծրագրի միջոցով ԵՄ-ն ակնկալում է ներգրավել մինչև 12 միլիարդ եվրոյի պետական և մասնավոր ներդրումներ։
Երթուղին («Միջին միջանցք»)․ Չինաստանի և Եվրոպայի միջև այլընտրանքային տրանսպորտային ուղի է, որն անցնում է Կենտրոնական Ասիայով, Կասպից ծովով, Հարավային Կովկասով և Թուրքիայով։
Առանցքային մեջբերումը․
«Այսօր ես կարող եմ հայտարարել փոխկապակցվածության զարգացման նոր միջազգային նախագծի մասին։ Այն Հարավային Կովկասն ու Կենտրոնական Ասիան ուղղակիորեն կկապի եվրոպական շուկային․ խոսքը այսպես կոչված «Միջին միջանցքի» մասին է»,- նշել է ֆոն դեր Լայենը։
