Հայաստանում գործող Եվրոպական միության դիտորդական առաքելությունը (EUMA) հայտարարել է, որ այս շաբաթ պաշտոնապես հատել է 9000 պարեկային ծառայության նշաձողը։ Այս մասին տեղեկանում ենք առաքելության տարածած պաշտոնական հաղորդագրությունից։
Առաքելության հայտարարության մեջ նշվում է, որ այս տպավորիչ ցուցանիշը վկայում է անձնակազմի քրտնաջան աշխատանքի, դիմացկունության և իրենց առջև դրված մանդատը հետևողականորեն իրականացնելու նկատմամբ ունեցած նվիրվածության մասին։
Առաքելության ձևակերպումը. «Այս նշաձողի հատումը վկայում է մեր թիմի անդամների ամենօրյա քրտնաջան աշխատանքի և տեղերում իրավիճակի անաչառ արձանագրման հանձնառության մասին»,- նշված է հաղորդագրության մեջ։
ԵՄ դիտորդական առաքելությունը Հայաստանում շարունակում է իր ամենօրյա ակտիվ գործունեությունը՝ իրականացնելով սահմանամերձ շրջանների պարբերական դիտարկումներ։ Կառույցի գլխավոր նպատակն է նպաստել սահմանային գոտում իրավիճակի կայունացմանը, տեղի բնակչության անվտանգության զգացողության ամրապնդմանը և տարածաշրջանային խաղաղության աջակցմանը:
