Էլեկտրական տրանսպորտային միջոցների ներմուծումն ու օտարումը ազատվել են ԱԱՀ-ից

Օրենքով սահմանված է ազատման կիրառման երկու ժամանակահատված։

ՀՀ պետական եկամուտների կոմիտեն տեղեկացնում է, որ «ՀՀ հարկային օրենսգրքում լրացումներ կատարելու մասին» 2025 թվականի դեկտեմբերի 17-ի ՀՕ-487-Ն օրենքի համաձայն՝ ավելացված արժեքի հարկից (ԱԱՀ) ազատվում են էլեկտրական շարժիչով տրանսպորտային միջոցների ներմուծումն ու օտարումը Հայաստանի Հանրապետության տարածքում։

Օրենքով սահմանված է ազատման կիրառման երկու ժամանակահատված։

2026 թվականի հունվարի 1-ից մինչև հունվարի 31-ը ներառյալ ԱԱՀ-ից ազատվում են ԵԱՏՄ ԱՏԳ ԱԱ 8702 40 000, 8703 80 000, 8704 60 000 և 8711 60 ծածկագրերին դասվող էլեկտրական շարժիչով տրանսպորտային միջոցների ներմուծումը կամ օտարումը՝ անկախ թողարկման տարեթվից։

2026 թվականի փետրվարի 1-ից մինչև դեկտեմբերի 31-ը ներառյալ ԱԱՀ-ից ազատվում են նույն ծածկագրերին դասվող այն էլեկտրական շարժիչով տրանսպորտային միջոցների ներմուծումն ու օտարումը, որոնք թողարկվել են 2023 թվականի դեկտեմբերի 31-ից հետո։

Նշվում է, որ օրենքն ուժի մեջ է մտել 2026 թվականի հունվարի 1-ից։

Կարգավորումը վերաբերում է ինչպես ներմուծող տնտեսվարողներին, այնպես էլ էլեկտրական տրանսպորտային միջոցների օտարման գործընթացներին ՀՀ տարածքում։