Էկոնոմիկայի և բարձր տեխնոլոգիական արդյունաբերության նախարարությունների ծախսերը կկրճատվեն

Ֆինանսների նախարար Վահե Հովհաննիսյանի ներկայացրած 2026 թվականի պետական բյուջեի նախագծի համաձայն՝ Էկոնոմիկայի նախարարությանը նախատեսվում է հատկացնել 74 միլիարդ 514 միլիոն դրամ։

Այս մասին նախարարն ասաց հոկտեմբերի 28-ին՝ Ազգային ժողովի մշտական հանձնաժողովների համատեղ նիստում ընթացող բյուջետային քննարկումների ժամանակ։

Նախարարի խոսքով՝ այս ցուցանիշը շուրջ 5 միլիարդ դրամով պակաս է, քան 2025 թվականին հատկացված գումարը։

Միևնույն ժամանակ, բարձր տեխնոլոգիական արդյունաբերության նախարարությանը նախատեսվում է տրամադրել 37 միլիարդ 352 միլիոն դրամ, ինչը 10 միլիարդ 157 միլիոն դրամով պակաս է նախորդ տարվա բյուջեի համեմատ։