Տնտեսական ակտիվությունը Հայաստանում՝ 2026-ի առաջին եռամսյակում․ որ ոլորտներում է աճ գրանցվել

Վիճակագրությունը ցույց է տալիս նաև դանդաղման միտում։

Հայաստանում տնտեսական ակտիվության ցուցանիշը 2026 թվականի առաջին եռամսյակում կազմել է 7.1% աճ։ Այս մասին հայտնում է Վիճակագրության կոմիտեն։

Տվյալների համաձայն՝ առավել բարձր աճ է գրանցվել շինարարության ոլորտում՝ 22%։ Արդյունաբերությունն աճել է 13.4%-ով, ծառայությունների ոլորտը՝ 7.4%-ով, առևտուրը՝ 2.1%-ով, իսկ արտաքին առևտրաշրջանառությունը՝ 4.6%-ով։

Միաժամանակ գյուղատնտեսության ոլորտում արձանագրվել է 5.2% անկում։

Արտահանման ծավալները աճել են 4.5%-ով, ներմուծումը՝ 4.6%-ով։ Նշվում է նաև, որ գնաճը կազմել է 4.2%։

Չնայած ընդհանուր եռամսյակային աճին՝ մարտ ամսվա տվյալներով արձանագրվել է անկում՝ արտաքին առևտրաշրջանառության 6.8% նվազում։ Նույն ժամանակահատվածում նվազել են նաև արտահանումը (12.6%) և ներմուծումը (3.2%)։

Վիճակագրությունը ցույց է տալիս նաև դանդաղման միտում․ հունվարին տնտեսական ակտիվությունը կազմել էր 7.6%, հունվար-փետրվարին՝ 7.4%, իսկ եռամսյակի արդյունքով՝ 7.1%։